UKURASA WA HABARI

Chadema yalia na majipu na ubaguzi

Benard Mwakyembe, Kaimu Mwenyekiti wa Dar es Salaam kubwa(Great Dar es Salaam)ya Chadema

CHAMA Cha Demokrasia na Maendeleo (Chadema) kimemtaka Rais John Magufuli kutumbua majipu makubwa yaliyokuwepo ndani ya Chama Cha Mapinduzi (CCM) kwa kufuata taratibu za uongozi kwenye utumbuaji huo

Benard Mwakyembe, Kaimu Mwenyekiti wa Dar es Salaam kubwa(Great Dar es Salaam)ya Chadema amesema kuwa utumbuaji wa majipu mbele ya umma ni kinyume na taratibu za uongozi akitaja mfano wa kusimamishwa kazi hazalani kwa Mkurugenzi wa Jiji la Dar es Salaam Wilson Kabwe sio utaratibu nzuri kwani angiitwa na kuchuunguzwa

“Ingawa ni vema kuwawajibisha viongozi wazembe lakini Rais anafanya maamuzi kwa mzuka wa ushabiki wa watu pasi nakufuta taratibu za uongozi”amesema Mwakyembe.
Mwakyembe amesema kuwa nyuma ya pazia la utumbuaji majipu kuna majipu makubwa ambapo utaratibu wa kuhojiwa kwa waliotumbuliwa utafanya kupatikana kwa mizizi ya majipu hayo.
“Nyuma ya Wilson Kabwe kuna Mstahiki Meya aliyemaliza Muda wake ambaye ni Didas Masaburi naye alipaswa kuwajibishwa kama mtuhumiwa kutokana na kuwa yeye ni mtu wa pili kusaini mikataba yote ya Jiji .
Na madiwani wote aliohusika na viongizi wote wa serikali wawajibishwe” amesema Mwakyembe.
Aidha alisema kuwa wamesikitishwa na kitendo cha Magufuli kutumia kumbagua Meya wa Jiji la katika ufunguzi wa daraja la Julius Nyerere maarufu kama daraja la Kigamboni baada ya kumfanya awe kama mvamizi kwenye uzinduzi huo.
Henri Kileo Katibu Mkuu Dar es Salaam Kubwa amesma kuwa Mkuu wa Mkoa ni kinara wa vitendo vya ubaguzi wa viongozi wa upinzani ili kuwadhoofisha .
Kadhia hiyo ya ubaguzi imehusishwa pia kwa Shirika la Taifa la Utangazaji (TBC) kutorusha matangazo au habari inayowahusu wapinzani.
Katibu Mkuu wa Great Dar es Salaam, alisema siku ya uzinduzi wa daraja hilo Mstahiki Meya alipokuwa anahutubia baada ya kupewa nafasi TBC walizima matangazo.
Mwakyembe anasema kuwa kwa shirika hilo kutorusha matangazo ya vyama vya upinzani sio mara ya kwanza kwani wao hawarushi matangazo ya aina yoyote yale yanayowalenga wapinzani
“ikiwa ile ni chombo cha habari cha taifa kinochoendeshwa kwa kodi za wananchi lakini wanahubiri ubaguzi ikiwa na vyama navyo ni vya walipa kodi vilivyosajiliwa kwa mujibu wa katiba.
Kama wanataka iwe hivyo basi waifanye TBC iwe kama Radio Uhuru ya CCM wananchi wajue kwamba ni shirika la utangazaji la CCM” amesema Mwakyembe.

Chanzo;Mwanahalisionline

NMB yazindua Business Club Ifakara

Mkuu wa Wilaya ya Kilombelo Mhe. Leph Benjamini Gembe akifungua pazia kuashiria uzinduzi rasmi wa NMB Business Club ndani ya Mji wa Ifakara. NMB Business Club inawakusanya wafanyabiashara wote wanaowezeshwa na NMB kwa lengo la kuwaendeleza kibiashara. Business Club hii itakuwa ya 33 kuzinduliwa katika mikoa tofauti nchini kusudi likiwa kuwaunganisha wafanyabiashara wote nchini waweze kufaidika na huduma za NMB, Meneja wa NMB Kanda ya Mashariki, Bw. Nazareti Lebbi akishuhudia uzinduzi huo.

Mkuu wa Wilaya ya Kilombelo Mhe. Leph Benjamini Gembe akifurahia uzinduzi rasmi wa NMB Business Club ndani ya Mji wa Ifakara. NMB Business Club inawakusanya wafanyabiashara wote wanaowezeshwa na NMB kwa lengo la kuwaendeleza kibiashara. Business Club hii itakuwa ya 33 kuzinduliwa katika mikoa tofauti nchini kusudi likiwa kuwaunganisha wafanyabiashara wote nchini waweze kufaidika na huduma za NMB, kwanza kulia ni Meneja wa NMB Kanda ya Mashariki, Bw. Nazareti Lebb na kushoto ni Meneja wa NMB tawi la Ifakara Bw. William Kaitira.

NMB imeendelea kuwa kinara katika kubuni na kuboresha huduma mbali mbali za kibenki, ili kuwawezesha wateja wake kupata unafuu na urahisi wa upatikanaji wa huduma za kibenki nchini Tanzania. NMB pia inatambua mahitaji ya wateja yanatofautiana, hivyo basi uzinduzi wa NMB Business Clubs una lengo la kuwafikia wafanyabiashara wadogo, wa kati na wakubwa walioko Ifakara na Wilaya ya Kilombero kwa Ujumla. Wafanyabiashara hawa ni sehemu ya wafanyabiashara zaidi ya 50,000 ambao ni wateja wa NMB nchi nzima.
Hii ni Business Club ya 33 kuzinduliwa na NMB ambapo nyingine ziko katika mikoa tofauti nchi nzima, na kuna mpango wa kuongeza moja zaidi kabla ya mwisho wa maka. Dhumuni kubwa ni kuwaunganisha wafanyabiashara wote nchini waweze kufaidika na huduma za NMB ambazo pia zitawawezeshakujikimu kimaisha. Hadi sasa NMB Business Clubs zina zaidi ya wafanyabiashara 10,000 waliojiunga.

Madhehebu ya shia yaunga mkono kasi ya Rais Magufuli

Shekh Hemed Jalala akifafanua jambo kwa wanahabari

KASI ya Rais, Dkt. John Pombe Magufuli inazidi kushika moto baada ya Kiongozi Mkuu wa Chuo cha Kiislam (Hawza) Imam Swadiq ambaye pia ni Kiongozi Mkuu wa Waislam wa Madhehebu ya Shia Ithnasheria, Tanzania, Shekh Hemed Jalala amewataka Watanzania na waumini wa madhehebu yote nchini kumuunga mkono kwa kasi yake.

Shehe Jalala akizungumza leo na wanahabari katika maadhimisho ya kumbukumbu ya kuzaliwa kwa mmoja wa wanafunzi wa Mtume Mohamed (S.A.W), Imam Ali (A.S), amesema alikuwa kiongozi jasiri, mpenda haki, aliyepinga rushwa, muwajibikaji na mpinga ufisadi, kama ilivyo kwa sasa kwa Rais Magufuli ambaye ameonesha nia ya dhati ya kuifanya Tanzania kuwa mpya kwa kupinga ufisadi, rushwa na mambo mengine ambayo yanawaumiza Watanzania wa hali ya chini.
“Tunaadhimisha zaidi ya miaka 1430 ya kuzaliwa kwake
Imam Ali kwa kuwa alikuwa mwanafunzi bora wa kuigwa kwa kile alichokipigania ndicho kinachoonekana kwa Rais Magufuli, viongozi wa dini tuwaongoze waumini wetu katika kumuombea na kukemea pale tunapoona si sahihi, ila mpaka hapa tulipo ameonesha dira ya Tanzania mpya,” alisema Shehe Jalala.

Na Mwandishi Wetu/ GPL

YANGA YAPEWA WAANGOLA KUWANIA MAKUNDI YA KOMBE LA SHIRIKISHO

MECHI ZA MCHUJO WA KUWANIA KUCHEZA HATUA YA MAKUNDI KOMBE LA SHIRIKISHO
Yanga SC (Tanzania) Vs Sagrada Esperanca (Angola)
MO Bejaia (Algeria) Vs Esperance (Tunisia)
Stade Malien (Mali) Vs FUS Rabat (Morocco)
Etoile Du Sahel (Tunisia) Vs CF Mounana (Gabon)
TP Mazembe (DRC) Vs Stade Gabesien (Tunisia)
Ahli Tripoli (Libya) Vs Misr Makassa (Misri)
El Merreikh (Sudan) Vs Kawkab (Morocco)
Mamelodi Sundowns (Africa Kusini) Vs Medeama (Ghana)
(Mechi za kwanza zitachezwa kati ya Mei 6 na 8 na marudiano kati ya Mei 17 na 18, 2016)

Sagrada Esperanca na ilianzishwa Desemba 22, mwaka 1976 na Serikali ya Angola, ila kwa sasa inamilikiwa na kampuni ya madini ya Almasi, Endiama, ambao pia ni wadhamini wakuu

Na Prince Akbar, CAIRO
YANGA SC itamenyana na Sagrada Esperanca ya Angola kuwania kuingia kwenye makundi ya Kombe la Shirikisho la Soka Afrika, mechi ya kwanza ikichezwa Dar es Salaam kati ya Mei 6 na 8 na marudiano ugenini kati ya mei 17 na 18.
Jina la wapinzani hao wa Yanga linatokana na rais wa kwanza wa Angola, Agostinho Neto, maarufu kwa jina la utani Sagrada Esperanca na ilianzishwa Desemba 22, mwaka 1976 na Serikali ya Angola.
Baadaye ikawa inamilikiwa na kampuni ya madini ya Almasi, Diamang (sasa Endiama), ambao wanabakia kuwa wadhamini wakuu.
Yanga jana ilitolewa katika Ligi ya Mabingwa Afrika baada ya kufungwa mabao 2-1 na Al Ahly Uwanja wa Borg El Arab mjini Alexandria katika mchezo wa marudiano hatua ya 16 Bora.
Al Ahly imesonga mbele kwa ushindi wa jumla wa 3-2 baada ya awali kulazimisha sare ya 1-1 Uwanja wa Dar es Salaam wiki mbili zilizopita.
Abdallah Said aliifungia Ahly bao la ushindi dakika ya sita ya muda wa nyongeza baada ya kukamilika kwa dakika 90 za kawaida za mchezo akimalizia krosi ya Walid Soliman kutoka upande wa kushoto.
Al Ahly walitangulia kupata bao katika mchezo wa leo kupitia kwa kiungo Hossam Ghaly aliyeunganisha kwa kichwa kona ya Ahmed Fathi dakika ya 52.
Mshambuliaji wa kimataifa wa Zimbabwe, Donald Dombo Ngoma akaisawazishia Yanga dakika ya 57 kwa kichwa akimalizia krosi nzuri ya beki wa kulia Juma Abdul.
Kwa Yanga, hii ni mara ya pili kufikia hatua hiyo baada ya mwaka 2007. Mwaka huo Yanga ilifungwa 3-0 na Esperance ya Tunisia katika hatua ya 16 Bora Ligi ya Mabingwa Afrika kabla ya kutoa sare 0-0 Mwanza.
Katika kuwania kucheza hatua ya makundi ya Kombe la Shirikisho na ilitolewa na El Merreikh ya Sudan, ikitoa sare ya 0-0 Mwanza na kufungwa 2-0 Khartoum.

RATIBA YA LIGI KUU TANZANIA BARA WIKIENDI HII HIPO HAPA

Jumamosi
Yanga Vs Mtibwa

Ndanda FC Vs Kagera

Coastal Union Vs JKT Ruvu

Jumapili
Simba SC Vs Toto

Simba kushiriki michuano ya kombe la Nile Basin

Mashindano ya vilabu Kombe la Nile Basin huandaliwa na CECAFA kwa kushirikisha vilabu vilivyoshika nafasi ya tatu katika msimamo wa ligi kwa nchi wanachama wa CECAFA.
Bingwa michuano ya kombe hilo atajinyakulia zawadi ya dola za kimarekani 30,000 (Zaidi ya milioni 60 za Tanzania), mshindi wa pili dola 20,000, huku mshindi wa tatu akipata kitita cha dola za kimarekani 10,000.
Nile Basin inashirikisha vilabu kutoka katika nchi wanachama wa CECAFA ambazo ni Burundi, Djibouti, Ethiopia, Kenya, Sudan, Sudan Kusini, Tanzania na Zanzibar.
Vitoria University kutoka Uganda ndiyo mabingwa watetezi wa kombe hilo baada ya kuifunga AFC Leopards ya Kenya kwa mabao 2-1 katika mchezo wa fainali uliofanyika mwaka 2014.

RATIBA YA UEFA EUROPA LEAGUE HATUA YA NUSU FAINALI HIPO HAPO

Hatua ya kwanza itachezwa mnamo April 28 mwaka huu....na marudiano itakua tarehe 5 may 2016.
Liverpool na Villarrel ni mara ya kwanza kukutana katika mashindano haya europa ligi.
Liverpool wataanzia ugenini na kumalizia katika uwanja wao wa Anfried

RATIBA YA UEFA CHAMPIONS LEAGUE HATUA YA NUSU FAINALI HII HAPA

TIMU ya Manchester City ya England itamenyana na vigogo wa Hispania, Real Madrid katika Nusu Fainali yao ya kwanza daima ya Ligi ya Mabingwa Ulaya.
Mabingwa wengine wa zamani wa michuano hiyo, Bayern Munich ya Ujerumani watamenyana na wakali wengine wa Hispania, Atletico Madrid.
Mechi za kwanza zinatarajiwa kuchezwa Aprili 26 na 27,wakati marudiano yatakuwa Mei 3 na 4 na City na Atletico wataanzia nyumbani. Ikumbukwe fainali ya michuano hiyo itafanyika Uwanja wa San Siro mjini Milan, Italia Mei 28, mwaka huu.
Atletico iliingia Nusu Fainali baada ya kuwato waliokuwa mabingwa watetezi, Barcelona kwa jumla ya mabao 3-2, wakishinda 2-0 Uwanja wa Vicente Calderon baada ya awali kufungwa 2-1 Uwanja wa Camp Nou, Barcelona.
Bayern Munich iliwatoa Benfica ya Ureno kwa ushindi wa jumla wa 3-2 baada ya sare ya 2-2 ugenini ikitoka kushinda 1-0 nyumbani.
Real Madrid iliwatoa Wolfsburg ya Ujerumani kwa ushindi wa jumla wa 3-2 baada ya wiki iliyopita kufungwa 2-0 Ujerumani, wakati Manchester City iliwatoa PSG kwa ushindi wa jumla wa 3-2 ikishinda 1-0 nyumbani baada ya wiki iliyopita kulazimisha sare ya 2-2 mjini Paris.

ULIMWENGU ANG`ARA TP MAZEMBE

MSHAMBULIAJI wa kimataifa wa Tanzania, Thomas Emmanuel Ulimwengu ameendelea kuonyesha umuhimu wake katika klabu ya TP Mazembe ya DRC baada ya usiku wa Alhamisi kufunga bao katika ushindi wa 2-0 dhidi ya Shark XI FC.
Katika mchezo huo wa Ligi Kuu ya Jamhuri ya Kidemokrasia ya Kongo uliofanyika Uwanja wa Martys mjini Kinshasa, Ulimwengu maarufu kwa jina la Rambo mjini Lubumbashi, makao makuu ya Mazembe, alifunga bao hilo dakika ya 68 baada ya kuingia kuchukua nafasi ya Rogger Asale dakika ya 57.
Na Ulimwengu alifunga bao hilo akimalizia pasi ya Rainfrod Kalaba, wakati bao la kwanza la mabingwa hao wa Afrika lilifungwa na Luyindama dakika ya 65 kwa pasi ya Joseph Bolingi.
Mazembe inarejea Lubumbashi kujiandaa na mchezo wa marudiano hatua ya 16 Bora Ligi ya Mabingwa Afrika dhidi ya Wydad Casablanca ya Morocco Aprili 20.
Mazembe inahitaji ushindi wa 3-0 ili kusonga mbele baada ya kufungwa 2-0 katika mchezo wa kwanza mwishoni mwa wiki mjini Casablanca.

Liverpool waitwanga Dortmund,watinga nusu Fainali ya EROUPA

3330D88E00000578-3540569-image-a-148_1460669635304

Siku moja baada ya michezo ya robo fainali ya Ligi ya Mabingwa Ulaya kuchezwa na kushuhudia vilabu kadhaa vikiaga mashindano hayo, usiku wa April 14 ilikuwa ni zamu ya kushuhudia robo fainali ya michuano ya UEFA Europa league.

Miongoni mwa michezo iliyokuwa inatazamwa usiku wa April 14 ni mchezo kati ya Liverpool dhidi ya Borrusia Dortmund uliyochezwa katika dimba la Anfield, mchezo huo ulimalizika kwa Liverpool kuibuka na ushindi wa goli 4-3, hivyo kuiondoa Dortmund kwa aggregate ya 5-4.

Magoli ya Dortmund yalifungwa na Henrik Mkhitaryan dakika ya 5, Pierre-Emerick Aubameyang dakika ya 9 na Marco Reus dakika ya 57, wakati magoli ya Liverpool yalifungwa na Divock Origi dakika ya 48, Philippe Coutinho dakika ya 66, Mamadou Sakho dakika ya 78 na Dejan Lovren dakika ya 90.

Hii ndio rekodi ya Liverpool dhidi ya vilabu vya Ujerumani kabla ya mchezo wa leo

Liverpool wameendeleza rekodi yao ya kutofungwa na vilabu vya Ujerumani ndani ya uwanja wao wa Anfield, kwani rekodi kutoka 101greatgoals zinaonesha Liverpool hajawahi kufungwa katika uwanja wao wa nyumbani na vilabu vya Ujerumani katika jumla ya mechi zake 13 alizocheza kabla ya mchezo huu. Sevilla, Shakhtar Donetsk na Villarreal ndio zimefuzu nusu fainali.

Video ya magoli ya Liverpool vs Dortmund