Van Gaal:CHICHARITO KUBAKI OLD TRAFFORD, STRAIKA MWINGINE KUTINGA!

                                                                                                                                                             Louis van Gaal amekiri Javier Hernandez 'Chicharito' atapata nafasi nyingine ya kupigania nafasi yake kwenye Kikosi cha Manchester United akiungana na Timu hiyo hapo Julai 25 huko Ziarani Marekani.

Chicharito, ambae aliifungia Man United Bao 59 katika Mechi154, alipelekwa kwa Mkopo huko Real Madrid Msimu uliopita baada Van Gaal kuamua atakuwa nyuma ya Wayne Rooney, Robin van Persie na Radamel Falcao katika kupewa namba.

Lakini, baada ya Man United kuifunga Club America 1-0 mapema Leo, Van Gaal aliulizwa hatima ya Chicharito na kueleza: "Chicharito anakuja Julai 25. Ana nafasi ya kudhihirisha uwezo wake hasa baada ya Falcao na Van Persie kuondoka, hivyo nafasi yake kubwa."

Hivi sasa Man United imebakiwa na Mastraika Wawili tu wanaotambulika ambao ni Kepteni Wayne Rooney na James Wilson na alipoulizwa kuhusu upungufu huo, Van Gaal alijibu: "Hapana tunae Rooney anaweza kucheza kama Straika mkuu. Wanahabari wote Msimu uliopita waliandika anapaswa kucheza hapo na mimi nawasikiliza. Na tunae Chicharito, na labda Wilson, na pengine kwa kushangaza..mpya., huu ni mchakato. Sina wasiwasi na nafasi hiyo."

Raw: Wildfire Sweeps Over CA Freeway, Burns Cars

Kama unasafiri kwenye barabara kubwa kama ya Dar-Mbeya, au Dar-Mwanza au
barabara yoyote kubwa ya magari njiani kuna vibao vya tahadhari kwamba
usiwashe moto.. ule moto athari yake sio kwenye misitu pekeake, noma
inaweza kuhamia hata barabarani !!

July 17 2015 barabara kuu ya
California-Las Vegas Marekani wameshuhudia hili tukio, moto ulikuwa
unawaka tu vichakani.. upepo mkali ukausukuma ule moto mpaka
barabarani.. kulikuwa na magari ambayo hayakupona kabisa, yameshika moto
na kuishia hapohapo japo watu wa Zimamoto walijitahidi kuzima kwa
kisasa kabisa kutumia Helicopter lakini sio gari zote zilizopona.

Madereva wa magari na watu waliowabeba
wakaona hili sasa balaa, ikabidi wayaache magari na kukimbia..
kilichotishia watu sio moto pekeake, kulikuwa na milio ya milipuko
mikubwa ambayo ilitokana na matairi ya gari kupasuka.

Zaidi ya magari 20 yameungua kwa moto,
mengine yalitelekezwa na watu waliokimbia.. na kuna wengine ilibidi
wageuze kurudi walikotoka ili kujiokoa… hakuna taarifa kama kuna mtu
yoyote aliyefariki ila kuna majeruhi ambao ni watu wawili tu.

Hali ilikuwa mbaya kiasi cha kusababisha hata barabara kufungwa… Hiyo story iko na kwenye Video hapa.

                                                                 

MAGAZETI YA LEO JUMAMOSI JULLY 18,2015 HAYA HAPA

 

BENITEZ: RAMOS ANABAKI SANTIAGO BERNABEU!

                                                                                                                                                                                  Meneja mpya wa Real Madrid Rafael Benitez ametoboa kuwa Beki wao Sergio Ramos hatahama.

Mwezi Juni Manchester United ilitoa Ofa ya Pauni Milioni 28.6 kumnunua Beki huyo wa Kimataifa wa Spain na Ofa hiyo kugomewa na Real.

Hivi sasa Man United wanaisuka upya Timu yao chini ya Meneja Louis van Gaal na tayari wameshanunua Wachezaji wapya Wanne, ambao ni Viungo Bastian Schweinsteiger na Morgan Schneiderlin, Fulbeki wa Kulia Matteo Darmian na Winga Memphis Depay, huku Robin van Persie na Nani wakiiuzwa kwa Klabu ya Uturuki Fenerbahce.

Ilitarajiwa Sergio Ramos atatua Man United huku Kipa wao David De Gea akienda Real lakini inaelekea Dili hii imekwama huku kila upande uking'ang'ania matakwa yake.

Lakini Wachambuzi wengi walikuwa na imani kuwa nia halisi ya Ramos si kuhama Real bali kuishinikiza Klabu hiyo iboreshe Mkataba wake.

Nao Man United hawana nia yeyote ya kumuuza David De Gea na wako tayari kukaa nae hadi mwishoni mwa Msimu ujao ambapo Mkataba wake utakapoisha na aondoke bure tu.

Hata hivyo zipo pia habari kuwa ikiwa De Gea ataondoka hivi sasa basi Man United inataka ilipwe si chini ya Pauni Milioni 33 ili kumfanya Kipa huyo awe wa Bei ghali katika Historia na kupiku Dau ambalo Juventus lilitoa kumnunua Kipa wao Gianluigi Buffon kutoka Parma Mwaka 2001 walipolipa Pauni Milioni 32.1

Akiongea kuhusu Ramos, ambae Real wamesafiri nae kwenye Ziara yao huko Australia, Benitez amesema: "Mengi yamezungumzwa kuhusu Ramos. Kwangu mimi Rais ashatamka anabakia Real. Namuona Ramos kama sehemu muhimu ya mipango yetu hapa Real. Yeye ni mshindi na hilo ndio tunataka kwa Timu yetu. "

New Video: B.O.B Micharazo ~ Kazi Kwanza

 

Haya
kazi nyingine hii kutoka kwa B.O.B Micharazo, Audio imefanywa na Marco
Chali na Video imefanywa na Adam Juma. Enjoy Mziki Mzuri kutoka kwa B.OB
Micharazo.                                                      

Tazama Matokeo ya kidato cha sita 2015

 Akitangaza matokeo hayo mjini Zanzibar leo, Katibu Mtendaji wa Necta, Dk Charles Msonde alisema mwaka huu idadi ya ufaulu ni asilimia 98.87 ikilinganishwa na asilimia 98.26.

Na Mwandishi Wetu, Mwananchi

Zanzibar. Baraza la Mitihani nchini Necta leo limetangaza matokeo ya mitihani ya kidato cha sita na kusema kuwa umefaulu umeongezeka kwa asilimia 0.61.

Akitangaza matokeo hayo mjini Zanzibar leo, Katibu Mtendaji wa Necta, Dk Charles Msonde alisema mwaka huu idadi ya ufaulu ni asilimia 98.87 ikilinganishwa na asilimia 98.26.

Dk Msonde alisema jumla ya watahiniwa 38,853 wamefaulu mitihani hiyo kati ya watahiniwa 40,753 waliofanya mitihani hiyo ya kumaliza kidato cha sita. Aliongeza kuwa kuna watahiniwa 35 ambao walishindwa kufanya mitihani yao baada ya kuugua ghafla. Dk Msonde aliongeza kuwa kati ya waliofaulu, wasichana ni 11,734 na wavulana ni 27,119.

<<BOFYA HAPA KUYATAZAMA>>

MAGAZETI YA LEO JUMATANO JULY 15,2015 HAYA HAPA

 

Related Itemsmagazeti